Thursday, January 26, 2023
Niz Goenkar
Latest News

Viz Poddlem – Bor: Justiniano Fernandes
Saturday - Jan 7, 2023
Viz Poddlem – Bor: Justiniano Fernandes
Okosmat zogllavnnem marun, amchea gorabear viz poddlem.
Ani amchea modlem, mogachem mannik, virgollun gelem.
Konnench chintunk nam, amcher odruxtt kosllot mhonn oslem.
Kosloch ticho guneanv nastanam, auchit mornnan tika giraslem.
 
Nimanno dis aslo ticho, gaddi cholounk xikpacho.
Konnakuch khobor nasli, dis to zait mhonn nimanno tichea jivitacho.
Dolleancher azunui nixeta, hansto rupkar ticho.
Tem orixtt zhadd kosllon, gaddier poddon, boli ghetlo eka nispap ostoriecho.
 
Churchure distat polletoch, dedd vorsachem supurlem roddtoch avoichea dudak.
Nam zalem tum, tujea Putak dhuvek ani mogachea ghorkarak.
Odruxtti mornnan tuka giraslem, dukh bhoglem soglleanchea kallzak.
Konnak atam ami xinnom sang, amcher ailolea odruxttak.
 
Tem orixtt zhadd katrunk, kelolio tokrari zaiteamni.
Pun tem katrunk, kosloch upai gheunk nam sorkari odhikareamni.
Addkholli haddtat mhonn sogllim sangtat, tea zageacho dhoni.
Tim khuxall zaleant astolim polleun, hi nixttur ghoddni.
 
Kalliz amchem soglleamchem villapta amchem mogachem thik amche modem disonam tem polloun.
Sogllim ghorchim ani lagxil'lim roddttat dukam golloun.
Dhonia Deva magtanv ami, tika tujea vengent gheunk.
Zor tor tem patkant asa zalear, bhogsun tika sorgimchem sukh favo korunk.

Back
No comments posted...
Leave a Comment
* Name
* Email (will not be published)
*
* Enter verification code
* - Required Fields