Tuesday, April 25, 2017
Amchem Xezarponn Ani Goenkarponn Sambhallumia – Bor: Menino Fernandes
Saturday - Nov 29, 2014
Amchem Xezarponn Ani Goenkarponn Sambhallumia – Bor: Menino Fernandes
Purnvilea kallar amche purvoz jiele ani ghele. Te jielet eka mekachea mogan. Xezari xezareager vetalet sanjechea velar ani aplo rikhamo vell sartalet khobro marun, boson bolkanvancher. Aiz amguer zalear faleam tumguer he porim te aplo xezar dhorm sambhalltalet. Ratrichem morlam ghalun boson khobro mari.  Hem aum sodanch mojea bhurgeaponnar polletalom jedna aum zolmolom mojea mama-lea gharant (mainchea gharant) Merxechea ganvant. Mozo boro dekhball kelo moje mamain kitench unnem korinastanam.
 
Moji mamai sanjechea vellar xezareanguer vetali toxech xezari amguer etalet. Punn konnuch aplea gharachem dhar dhampi naslet. Dhar ugddem dourun sogleak bountalet zaum bazaran ou xezareanguer. Punn aiz dukh bogta polloun ami atam xezari xezareak vollkona. Ekamekager vochonk kobul nam. Ami Goenkar atam laglea dusvasponnan jieunk, eka-mekache kurnatkaien jieunk. Tor hem oxem kiteak?
 
Goenkar Goenkarank vollkonant ani Goenkar Goenkarank laguim dhorunk toiar nam. Ami Goeam bhaileank rokddech vengoitat ani kaim tempan uprant roddonk bosta aplem soglem khaun ghelo mhunnon. Oxem ghoddlea uprant amkam amchea xezareancho ugddas eta ani adarak zai koxe dista. Punn khotta! Atanche xezari koxech tujea adarak pavonam “amkam kiteak poddlam” oxem mhunnon aple ath duvun meklle zatat.
 
Adlem jivit amkam anik porot mevot gai? Atam chodd korun amcher Goenkarancher asor poddla Goeam bhaileancho (indianancho) je raxinim etat Goeam konkan railway zaleleak hea Goeam bhaileank boroch faido zala ani tannim Goeam eun Goenkarancho faido ghetla. Tannim amchem oskotponn pollelam ani apleachim kamam korun kaddleant. Amche tornatte tor sapuch bigddon ghelea. Goenkarponn tanche kuddint anik uronk nam. Meuta thoim bhonvtat ani meuta tem kortat. Zaite amche tornatte noxeachim vokdam gheun aplem jivit vibaddtat. Punn koxech kobul nam Goeam passot kitem korunk. Atanchea tornatteank motor saikoli meulea ani teo gheun te fokot mouza martat.
 
Maka dista xezarponn atam irlem irlem korun nopoit zait vetelem ani ami xezari xezareak porke zatele ani konnakuch khobor aschinam aplea xezareak konn rauta to. Dekunk mogall Goenkar bhava-bhoinnino, ami atanch sarke ravonk zai ani amchea bhurgeank Goencho mog ani xezar dhorm kitem to dakounk zai hea fuddem amchi porompora ani amche purvilem jivit sodanch tajem ani jivem uronk

Back
Comments (3)
Lazar (DLP)
Thursday - Aug 13, 2015
Sokla poddleat tem khorem, punn utton voir soronk matr passun tokos ghenant. Koslo faido Goenkarponnacho??? Baile monis evun amchea Goeant zale voddle ani Goenkar amche Kamara pattleant marta bovandde. Maka ugddas eta Sr. Jacint Vaz-achea kantaracho. RIP.
John Nazareth
Sunday - Feb 8, 2015
Toxem godunk zaitim karana assa. Adlea tempar manoranjan naslo, bailo fokot gozali korun aplo vell sartaleo. Eka-mekacho usko astalo khoro pun kestavam vadtalim. Hacheo chadeo taka ani tacheo chadeo haka oxem korun dusmankai vadtali. Atam TV, Compute
Rosario De Mello
Saturday - Feb 7, 2015
Sarkhem sangleim Menin-bab. Ami Goenkar angach sokla poddlea.
Leave a Comment
* Name
* Email (will not be published)
*
* Enter verification code
* - Required Fields