Wednesday, May 24, 2017
Ailelem Marekar Tufan Nopoit Korunk Amchich Amkam Goroz asa – Bor: Menino Fernandes
Monday - Mar 28, 2016
Ailelem Marekar Tufan Nopoit Korunk Amchich Amkam Goroz asa – Bor: Menino Fernandes
Marekar tufan ailam amcher Goenkarancher ani tem nopoit korunk amkam amchich goroz assa. Amkam goroz nam hea fotting ani fottkire somajik vavurpeanchi. Te aplim bolsam borunk amkam Goenkarank fottoitat ani he zaun assa dhongui somajik vavurpi. Padri Bismarque-achea nanvan te choriamb poixe gheunk bhonvtat ani lobadd budhini poixe ekttaim korunk vavurtat poixilea and Indie bhailea desani thaun passun. Goeam kortat tem kortat, pordesani hem suru zalam ani soglea pordesant aslelea Goenkaranchea kanank panam bandtat.
 
Anven choukoxi kelea tea pormonnem Padri Bismarque-achea ghorabean ankam konnakuch porvangui diunk nam azun porian tachea nanvan pulisen tokrar nond korunk ou apunn ap-apli fottkiri xati fuloun aplem naum gazounk vavurteleank fuddem soronk. Tachea ghorabeache vokil ho kauz aplea athani gheun vhodde uxearkaien aplem kam choturaien kortat ani vavurtat tea ghatki markorak nitichea fansak sampddaunk.
 
Tanche vorvim khobor meulea tea pormonnem, ek khas fotting zannem apnnakuch ek somajik vavurpi mhunnon naum dilam ani dolleam add poixeam pattlean daunla to khoim Padre Bismarque-chea markorak rakonk ani sambhallunk bhonvta. Zorui azun meren Goenche pulisek ho markor konn to sampddonk nam, antun amchem chor, luch’che ani lobadd amdar misoll zalele asat ani chodd korun Goencho mukhel montri Makodd Laxmicant Parsecar zo Goenchea gorib loka lagchean boll zobren tanchi zomini ani bhattam voddun gheta to tor sarkoch misoll asa Padre Bismarque-achea markorank rakhonk ani hi tokrar bhair uddounk.
 
Goenche pulis je CID khateant asat te zaun assa chodd xe luch’che ani lobadd ani broxttacheari. Ap-aplim bolsam bhorun ani pulis khateachea soglea pulisanchim bolsam bhorun kaddleant ani toiar zaleat hi tokrar bhair uddounk. Antun matr eka fottkirea somajik vavurpeak zaito faido zaupacho assa oxem disun eta ani atam pulisank tachi sogli khobor bhitor paulea to koxe porim Tiracolchea Leading Hotels-a lagchean poixe gheun mekllo zala. Hi khobor tor akhea St. Estevão zunvear ghazlea ani thoimsorlo Pe. Vigar tor sarkoch khatren zanna hi khori goxtt mhunnon ani vavurta sogle purave zoma korunk.
 
Zaite bore ani uxear Goenkar anche sogle ghutt Facebookar ani her Internetar aslelea goirum-acher anche sogleanche ghutt ugtte kortat. Hea Goenkarank khorench xabaski favo ani hech porim luch’cheank, lobaddank and ghatkeank nitichea fansak sampddaunk sodanch aplo vaur chalu dourunk magnnim etat.
 
Toxich xiddkaunni Goenkarank, aplo ek porian poiso konnakuch dhan koso dinakat, Padri Bismarque-ache ghoddne khatir, kiteak tachea ghorabeache vokil khoreponnim vavurtat he tokrare-chi toiari korunk ani fuddem voronk ani Goenchea pulisancher vozonn addunk tannim he tokrarechi zotnaien and chothurponnan choukoxi korunk ani khorea markorank sodun kaddunk ani nitichea fansak sampddauk.
 
Hem oxem zalea uprant amchea mogachea Padre Bismarque-ache kuddik matiek launk ghoddtelem ani vhodd manan tacho sotkar zatolo and sodanch Goenkaranchea kallzani to jietolo.
 
Padre Bismarque-chea Otmeank sorguinchem raj favo zaunk amchem Goenkaranchem magnnem.

Back
Comments (3)
suhas naik
Thursday - Nov 24, 2016
Aamcho ekuch fudar ghattyache gulamiche goy.
Lazar (DLP)
Wednesday - Mar 30, 2016
Goenche Chor Pulis matxe toklen uxear asle zalear amchea Goeant khup xanti aspachi zoxi asli Portuguez-achea tempar. Khuim Ghele te dis adle??? Kitem ami vaitt kelem oslem marekar amcher odruxtt eunk??? Kitem amcho fuddar???
Lazar (DLP)
Wednesday - Mar 30, 2016
Goenche Chor Pulis matxe uxear asle zalear amchea Goeant khup xanti aspachi zoxi asli Portuguez-achea tempar. Khuim Ghele te dis adle??? Kitem ami vaitt kelem oslem marekar amcher odruxtt eunk??? Kitem amcho fuddar???
Leave a Comment
* Name
* Email (will not be published)
*
* Enter verification code
* - Required Fields