Thursday, June 22, 2017
Father Bismarque Tuzo Ugddas Kortam – Bor: Menino Fernandes
Wednesday - Nov 25, 2015
Father Bismarque Tuzo Ugddas Kortam – Bor: Menino Fernandes
Atanchea choranchea and dhormvaddeanchea rajeant
Tum vavurloi and zuzloi samballunk amkam Goeant
Tuka marun uddoilo eun eka nisteachea vhoddeant
Markorank addunk te ghele xezarchea nongrant
 
Choram laguim ghoddlem nam tuka sanvrunk
Zaite proitn kele tuka nopoit korunk
Xevottak konnacheanuch zaunk nam nivarunk
Churchure tuje disle nam, oslem moronn tuka favo korunk
 
Father Bismarque, tum vavurloi eok xinv koso
Ekloch porian bhonvtaloi konnachoch ghenastana asro
Gutt sogle foddun tanchea chitnancho keloi churo
Kot’ten tannim aplem nak buddoun jiu diunk puro
 
Goenchem vatavoronn sambhallunk tum zotnaien vavurloi
Broxttachari rajkarbareanchea dolleani tum gheloi
Tanche kuxicho kantto tum zaloi
Heach amchea Goem sambhallunk tuzo jiu tuven diloi
 
Tiracol, Cavelossim adi ganvani hotelam bandunk te sodi
Golf course bandunk passun tuven tankam dilinaim ti sondi
Soglea tanchea koxttancher ghalun bondi
Punn tannim paloili tujea jivitache pont’ti
 
Father tuje passot aiz sogle Goenkar ube zaleat
Tuka marteleank sampddaunk poi koxe vavurleat
Goenchea pulisani tankam dhorun zoddpaileat
Ami Goenkar markorank nitik povoiteleat
 
Father Sorguinchem sukh tuka meutelem
Jezun mista tuka itlench jivit nirmilelem
Goenkarani atam gheun tujem ujeachem agttem
Sambhallunk zai atam odruxtt eta tem hea fuddem
 
Mogall Father ugddas tuzo kedinch vecho nam
Tuka amchea kallzantlo konnuch bhair kaddchonam
Goenkarancher tum visor ghalinakam
Sorgar thaun vatt hea choranchi launk chukonkam
 
Vachpeam laguim magtam ek Amchea Bapa, ek Noman Morie, ani ek Onod Babak korunk Sorgest Father Bismarque-achea otmeank

Back
Comments (4)
Tritonio Cardoso
Thursday - Apr 14, 2016
Truth will set everything free.
Kamili K
Friday - Apr 8, 2016
Fr.Bis, this pic is worth a millions
Dr.Cajetan Coelho
Saturday - Dec 5, 2015
Mon’xam khatir, mon’xam modlo,
Vortea Devan nivoddlolo
Bhitor sorta Iadnik amcho !

Noman, noman Devmuniarak,
Voibhov, mohima vortea Devak !

Deva navan amche mukhar,
Amchea nanvan Deva mukhar,
Ubo rauncheak sodam toiar !

Noman, noman Devmuniarak,
Voibhov, mohima vortea Devak !

Xelliam-gonvlli, xelliank rakhta,
Subham’ chorvak tankam vorta,
Deva-Jivan tankam posta !

Noman, noman Devmuniarak
Voibhov, mohima vortea Devak !

Zanvaecheo otmeam guru,
Otmeam khatir morunk ruzu,
Amche modem sarko Jezu !

Noman, noman Devmuniarak
Voibhov, mohima vortea Devak !
Anacleto da Cruz
Tuesday - Dec 1, 2015
Fr. Bismarkache koxttank ani vollvolleanchea mornank Devan taka boro inam diuncho mhonn magtam.
Leave a Comment
* Name
* Email (will not be published)
*
* Enter verification code
* - Required Fields