Tuesday, April 25, 2017
Kitem Ami Korpachem – Boroupi Menino Fernandes, Editor Niz Goenkar
Sunday - Sep 13, 2015
Kitem Ami Korpachem – Boroupi Menino Fernandes, Editor Niz Goenkar
Goem amchem zaddam maddanchem
Sogle dongor foddun chinank lokonn kelem
Tea bhair panam khavun thukun kelam burxem
Roddonakat hem amkanch lagon zalam oxem
 
Nodor marun polle amchea Goa xaracher
Fuddem borech marekar dis eunche asa amcher
Tea bhair pollounk zaina rosteache deger
Ghoddacheo dempe mandlele asta fantea paracher
 
Montreank amchea vochonk nam kainch poddon
Fokot urle bolsam borunk Goem veta vanvon
Xikop naslele montri zalear oxench veta ghoddon
Goenchem fokot urlam zaupachem ghot’ton
 
Bhaile lokak bhorleat motam marunk
Tancho faido kaddtat painxim rupia farik korun
Goenkarank kainch ek mevona khavunk
Tel, sakor ani pitt dita ghara dhaddun
 
Adle dorji, pilot passun zalea rajkarbari
Poixe korunk zaunk sodtat re montri
Xikleleank mhunntat dhorat moji sontri
Ani urlam poi tem Goem gheun bosleat fotkire zuzari
 
Goenkarank amchea kaim ek nam poddlelem
Ami fokot xendri ghalun ghara nidpachem
Anvunch nokom atam ami kitem korpachem
Portugez passport korun London vochpachem

Back
Comments (3)
Andrade
Sunday - Sep 20, 2015
Comnidade samauat. Jomin vikinakat crore mevota mund. Jominicho upeog korat dusereak vikche sandun tumi building bandat. Tumchi jomin ani building tumchen astelen. Indian aiz sozmotat ki Goaen tenchen mund and dadagiri kortat poisea deun montrik. Goen gorib nun goenkar pishea poisheak lagon goen viktat.
Lazar (DLP)
Tuesday - Sep 15, 2015
Kitem ami korpachem?
Fokot bolkavant bosun kop marpachem
Bountonim kitem goddta, konank nam poddpachem
Hem zaun ghelam Jivit Goenkaranchem

Fokot "Ami Goenkar" mhunnon boddoitat xati
Baile munis evun amchea tonddant galtat mati
Fuddar assa zalear nodor marun polle patti
Amchem ami pollouiea dusreancheo naka ratti

Aplench tambddem mhunnon boddboddta khetem
Oxem chintit raulear fuddar amcho kitem
Kallo assa to goro zainam rogoddlear pittem
Ghanttianim Goeant raj kelam, jem Goenkaranim kelam ritem

Ai! Ai!! Mojea Deva
Kitem amcho fuddar bhava
Goenkaranim chotur rava
Nam tor khattli-pottli ghevun rostear bonva
floriano
Sunday - Sep 13, 2015
Menin-bab, put a tune to it and it will be a fantastic song to remember.
Leave a Comment
* Name
* Email (will not be published)
*
* Enter verification code
* - Required Fields