Tuesday, April 25, 2017
Broadway Book Publishing House-Acho Tisro Romi Konknni Kors Somplo
Saturday - Mar 7, 2015
Broadway Book Publishing House-Acho Tisro Romi Konknni Kors Somplo
PONNJE: Broadway Book Publishing House-an Goeant Romi Konkani xikounk fuddarponn gheun, tisrie pavtt ghoddoun haddlolo Romi Konkani xikpacho Kors, 19 Janer ti 18 Febrer, 2015 tarik porian zalo. Hea korsant dog xikpiamni bhag ghetlo. Orth somzun Romi Konkani vachop, Romi Konkanichi mullavi utravoll, viakoronn ani bhas ulovp ho Korsacho hetu aslo.
 
“Mullant thaun Konkani xiktoleam khatir, sogllea nodramni ho ekdom’ boro ani sovai Konkani Kors. Ho Kors anik ek mhoino chalu urlolo zalear, hanv Konkanichio anikui khub gozali xiktolim aslim,” oxea utramni Korsant bhag ghetlolie 49 vorsanchie piraiechie Merxechie Xmt.Margaret Esteves hinnem aplem mot ugtailem.   “Ho Romi Konkani Kors khorench sumara bhailo aslo. Konkani xikunk ani ulounk ho Kors mhaka khubuch faideacho zalo,” oxem fattlim 14 vorsam Goeant ravpi Udent Bharoti aslolie 52 vorsanchie piraiechie Xmt. Carrol Piresan sanglem.
 
“Poilech pavtt Konkani xikunk ailolea amchea xikpianchea monanchea panvddear denvun xikoilolea, ani xikoitanam sumara bhaili sosnnikai ghetlolea xikovpianchi tust kelia bogor ravunk zainam,” oxem Pires-baien fuddem mhonnlem. 
 
Nanvosto Konkani zannar, xikovpi ani bhas vijneani Dr. (Pa.) Pratap Naik, SJ ani Konkani xikoupi ani boroupi Jose Salvador Fernandesan ho Kors sangatan choloilo. Korsachea xevottak, Broadway Book Publishing House-acho dhoni Khalil Ahmedachea hatantlean dogui xikpiank sertifiketti bhettoilio.

Back
No comments posted...
Leave a Comment
* Name
* Email (will not be published)
*
* Enter verification code
* - Required Fields